Notanan’ny zandary ilay ankizilahy 15 taona namono nahafaty ny renibeny 77 taona tao Tsararivotra, fokontany Antanambao, kaominina Ilaka Est, distrika Vatomandry, ny alatsinainy 24 jona teo. Nitaky trosa tamin’io zafikeliny io ilay ramatoa. Nodarohan’ ilay tovolahy anefa izy ka voa mafy teo amin’ny lohany sy ny tanany. Tapitra ny ainy fotoana fohy taorian’ny fahatogavany teny amin’ny hopitaly.
Lehilahy iray nambanan’ny jiolahy telo antsy tao Morarano, Toamasina, afakomaly. Voaroba ny telefaonina sy ny vola teny aminy. Nitsoaka nandositra izy raha toa ka efa nikiry hamono azy ireo mpanendaka.
Ankizilahy 16 taona tra-doza nitaingina kalesa teny Alakamisy Fenoarivo, ny 25 jona teo. Nandeha mafy, tsy nahafehy ny familiana tampoka io ankizy io ka nitarika tamin’ny fianjerany. Nitarika tamin’ny fahafatesany io fahavoazany io.
French