Zazavavy 4 taona maty voafaokan’ny fiara tsy mataho-dalana tao amin’ny RN37, teo Matavirano Antazoa, Malaimbady, afakomaly. Tsy tazan’ ny mpamily ilay zaza ka nitera-doza. Tazonina hanaovana fanadihadiana ilay mpamily nahavanon-doza.
Teratany vahiny 16 niara-naiditra am-ponja rehefa tratra nanao fiondranana antsokosoko tao Ambanja, ny faran’ny herinandro teo. Tsy nahitana taratasy ara-dalàna avokoa ireo kaomoriana, etiopiana sy saomaliana ireo.
Naiditra am-ponja indray ny jiolahy raindahiny amin’ ny vaky trano tratran’ny zandary ao amin’ny zana-tobim-paritra Soamanandrariny, ny zoma teo. Tao anatin’ny telo volana tokantrano maromaro amin’iny faritra Ambohimahitsy iny no lasibatry ny vaky trano.
French