TSELATRA

Fiara marika starex iray hotohoton’ny afo tetsy Vontovorona, omaly. Niditra tany amin’ny toeram-pianarana ny tompon’ny fiara. Nirehatra tampoka anefa ny fananany ka niezaka nifehy ny afo ny nanatri-maso. Levon’ny afo tanteraka ilay fiara.
Fiara roa nifandona ka potika tanteraka ny
lohany tetsy Ampandrianomby, omaly. Nandeha mafy ny iray tamin’ireo fiara. Tsy nahatazana ny fivoahan’ny ankilany izay nifanoha-dalana taminy ka nitera-doza. Nentina eny amin’ny hopitaly ny naratra. Tsy nisy ny aina nafoy.
Natsingevan’ny ranon’Ikopa ny fatim-behivavy iray, afakomaly. Nahitana dian-dratra ny faritry ny lohany. Tsy nisy akanjo intsony rahateo ny vatany. Ahin’ireo nanatri-maso ho nariana tao anatin’ny rano io olona io rehefa avy novonoina ka izao natsikafin’ny rano izao.