FANTINA sy FINTINA

Miantso ireo rehetra mpikatroka sy mpanohana ny antoko Tim ny filoha teo aloha, Ravalomanana Marc. Nivoitra tao amin’ny Facebook, omaly, fa hanao fanambarana lehibe, manoloana ny raharaham-pirenena ny tenany, anio maraina etsy amin’ny foiben’ny antoko, etsy Bel Air.
Manatrika ny fivorian’ny parlemantera amin’ny faritra Atsimon’i Afrika any Namibia ireo depiote. Miompana amin’ny fanamafisana ny fahaiza-manao ho an’ireo parlemantera amin’ny fanaraha-maso sy tatitra momba ny fiovaovan’ny toetr’andro sy ny aterak’izany ny dinika. Voaresaka koa ny tokony hanaovana lalàna momba ny fiovan’ny toetr’andro…
Noraisin’ny filohan’ny Antenimieram­pire­nena, Tokely Justin ny fikambanana “Soroka sy tongotra entin’ny parlemanta ho an’ny sosialy – Steps”, afakomaly, tetsy Tsimbazaza. Nampahafantatra ny fijoroany eo anivon’ny Antenimierampirenena izy ireo ary nitatitra ny asa sosialy sahaniny. Marihina fa misokatra amin’ny mety ho fiaraha-miasa izy ireo.
Nanitrikitrika ny depiote, Randriana­solo­niaiko Siteny, fa tokony hilaza ny marina ny fanjakana momba ny fandoavana ny vatsim-pianarana. “Misy sa tsia ny vola ? Aoka hametra-pialana rehefa tsy mahavita”, hoy izy. Tahaka izany koa ny fanadinana bakalorea. “Efa tany amin’ny fitsarana ny laza adina vao hita fa nisy diso ny izany”, hoy ihany izy.