Tonga hatrany am-piangonana ny asan- jiolahy any Toamasina, amin’izao fotoana izao. Fiara tsy mataho-dalana ana kristianina nivavaka tao amin’ny fiangonana Betela Tanambao fahadimy nalain’ny olon-dratsy, omaly maraina. Araka ny angom-baovao, namonjy fotoam- bavaka maraina toy ny mahazatra, niditra tamin’ny 6 ora ny tompon’ny fiara. Napetrany tao ivelany io fiarany io. […]

Mpanera tany sy trano iray hita faty tao amin’ny tanànan’i Tsiazokararo, fokontany Avarabary, kaominina Imeritsiatosika, ny marain’ny sabotsy 22 marsa teo. Tsikaritry ny mpandalo iray ny fisiana olona nitsirara tao anaty tsenakely amoron-dalana. Nojereny, olona efa mpivezivezy eny amin’ny fokontany ary tsy vaovao amin’ny manodidina izany. Tsy nisy aina intsony […]

Olona telo mianaka lasan’ny rano vokatry ny fefiloha vaky tany Ambohijanaka, ny alin’ny sabotsy lasa teo. Hita omaly maraina ny vata-mangatsiakan’ireo zaza mianadahy raha toa ka avotra soa aman-tsara ilay raim-pianakaviana. Hita omaly maraina ny vata-mangatsiakan’ireo zaza mianadahy : 10 sy 6 taona, lasan’ny rano tetsy Ambohijanaka, ny sabotsy alina […]

Mpianatra telo lahy avy amin’ny sekoly tsy miankina iray any Mandritsara an-tampon-tanàna tratra nangalatra mangahazo 30 fototra tao Maroamboka, omaly tamin`ny 2 ora maraina. Ny hanoanana nisy teo amin’izy ireo sy mba hananana vatsy hiatrehana fianarana no antony nahatonga azy ireo nanao izao asa ratsy izao, raha ny fanazavana voaray. […]

Naratra mafy voadona teo amin’ny tongony ny lehilahy iray niharan’ny lozam-pifamoivoizana tetsy Ambatobe, boriborintany fahadimy, omaly. Somary nisy fitohanana nidina ny lalana avy any Ambatobe nikasa hihazo an’Analamahitsy. Niampita ny arabe tampoka ilay lehilahy kinanjo nipoitra ilay moto. Nifatratra avy hatrany tamin’ny tongony. Tapaka ny ranjon’io mpantsaka rano io. Tetsy […]