Mpitondra moto iray naratra mafy nifandona tamin’ny fiara teny Tsarasaotra, omaly alina. Ankoatra io, zazalahy kely, zanaka teratany vahiny iray naratra vokatry ny lozam-pifamoivoizana teny an-toerana, afakomaly. Nivadika ny fiara nitondra ity farany. Vokatry ny fandehanana mafy no voalaza fa antony nahatonga ny loza.

Maty voatifitry ny polisy ao Ikongo ny jiolahy raindahiny amin’ny fanafihana. Tao Ambolomadinika Ikongo no nifanehatra tamin’ny polisy ity jiolahy ity, ny sabotsy teo. Nentin’ny polisy hanoro ny toerana misy ireo mpiray tsikombakomba aminy izy no nanohitra tampoka. Miafina ao Ambolomadinika ireo namany ka teny an-dalana no nikasa haka ny […]

Notanana eny Tsiafahy, ny faran’ny herinandro teo, ny sakaizan’ny renin’ilay zazalahy kely 11 taona maty novonoina teny Tanjombato. Tratra tao anatin’ny findain’io rangahy io avokoa ny hafatra miafina rehetra nitakiany ny vola ho solon’ny famotsorana ny zanak’ilay ramatoa. Roa lahy hafa niara-notanana aminy.

Olona efatra notanana vonjimaika any am-ponja noho ny fanimbana fananan’olona sy fanakorontanana nandritra ny fitokonana nataon’ izy ireo teny Ambohipo, ny 21 oktobra lasa teo. Raha tsiahivina, nidina an-dalambe nandoro kodiarana sy nitora-bato mpitandro filaminana ny mponina teny an-toerana, tamin’io andro io, noho ny fanehoan’izy ireo ny fahatezerany manoloana ny tsy […]

Zaza menavava hita faty teny Ambohipo cite, omaly maraina. Nariana teo amin’ny toeram-pako io zaza io. Tsy fantatra ny nahavanon-doza nanary azy. Ny mponina manodidina ihany no nahatsikaritra ny fisian’io fatin-jaza io. Fiaramanidina iray “ULM Hydravion”, niala tao Nosy Be, mampitohy an’i Dzaoudzi, tsy hita nanomboka ny 20 oktobra teo. […]