Natomboka tamin’ny fomba ofisialy omaly, ny tetikasa «Territoire Numérique en Transition» (TNTs). Notanterahana tetsy amin’ny Lapan’ ny Tanàna Analakely ny lalonana nanombohana izany. Vatsian’ny Afd vola ny tetikasa ary nanombohana izany ny Kaominina Antananarivo Renivohitra. Hisitraka voalohany, araka izany, ny mponin’Antananarivo satria mamaly ny hetahetan’ny vahoaka ny fitaovana. Toy ny fahafahana manao tatitra amin’ireo tomponandraikitra raha misy zavatra na loza mitranga,
amin’ny alalan’ny «signalement anomalie». Hampitaina amin’ny alalan’ny «Direction de développement numérique et des systèmes informatiques» eo amin’ny CUA izany. Ankoatra izay, lalana iray ahafahan’ny vahoaka sy ny kaominina mifanerasera ihany koa izany. Mba hanamorana sy hanafainganana ny fanaovana ireo antontan-taratasy eo anivon’ny kaominina. Mba hialana tsikelikely amin’ny fampiasana penina sy taratasy ihany koa.
Faritra dimy ireo mikambana ao amin’ny TNTs maneran-tany. Ahitana ny «Région Île-de-France» ny «Région Casablanca-Settat», ny «département de Rufisque», ny «District autonome d’Abidjan», ary ny Kaominina Antananarivo Renivohitra. Tanjona ny hampivoatra sy hanatsara ny fiainam-bahoaka amin’ny alalan’ny fitaovana nomerika na ny «digitalisation». Hamoronana fitaovana niomerika sy hitantanana izany ary hampitomboana ny fitaovana hampiasain’ny mpiasan’ny kaominina ihany koa. Marihina fa efa nanomboka ny volana Mai 2023 ny tetikasa ary haharitra telo taona.
Mino
French