Araka ny fanazavan’ny Sampandraharahan’ny Firenena mikambana momba ny fahasalamana, antony faharoa miteraka ny fahafatesan’ny tovovavy 15-19 taona ny fahasarotana mandritra ny vohoka sy ny fiterahana maneran-tany. Eto Madagasikara, mahatratra 29,60% ny tahan’ny fitondrana vohoka aloha loatra, taorian’ny fanadihadiana MICS 2018. Efa nidina ho 27 % izany amin’izao ary tsapa fa kely ny vokatra azo satria tsy nisy ny tolotra avy amin’ny sampandraharaha misahana ny fahasalaman’ny tanora tokony ho nanatanteraka ny fandaharanasan’ny fahasalaman’ny reny sy ny zaza menavava. Amin’ny vehivavy 10 maty isan’andro vokatry ny fitondrana vohoka na eo am-piterahana, tsy ampy taona avokoa ny telo amin’ireo. Zava-dehibe, noho izany, ny fisorohana ny vohoka aloha loatra eo amin’ny zatovovavy. Eo amin’ny tanora 10 ka hatramin’ny 24 taona, 13,51% ny tahan’ny fampiasana fanafody fanabeazana aizana. Afaka misitraka fanafody fandrindram-piterahana rahateo ny vehivavy rehetra tsy anavahana taona, araka ny lalàna lah -2017-043 momba ny fahasalamana ara-pananahana sy ny fandrindrana fiterahana.
Efa voarara ny fampanambadiana ny zatovovavy latsaky ny 18 taona nanomboka ny taona 2017, mbola niroso amin’ ny fanambadiana mialoha ny faha-18 taonany ny 40% amin’ ny tovovavy malagasy, araka ny fanadihadiana MICS 2018 ihany. Ny 13% amin’ny tovovavy 20 ka hatramin’ny 24 taona aza nanambady nialoha ny faha-15 taoanany.
Vonjy
French