Notanterahina ny faran’ny herinandro teo, teny Ivato, ny fampahafantarana sy fanokafana ny fankalazana ny faha-45 taona nijoroan’ny Fizalaotra. Nohamafisin’ireo nandaha-teny tamin’izany fa efa mijoro sy amperinasa ny komity mikarakara ity fankalazana ity.
Novelabelarina tamin’izany koa ireo hetsika rehetra hotontosaina. Anisan’izany ny fiaraha-mitsangatsangana sy ny fifaninanana samihafa eo amin’ny fanatanjahantena ary koa ny kolontsaina. Arahin’ny alim-pandihizana izany. Eo koa anefa ny hetsika sosialy, hotanterahina any amin’ireo distrika telo, ahitana an’Andilamena sy Amparafaravola ary Ambatondrazaka.
Tsiahivina fa notolorana fanomezana, marika fahatsiarovana, ireo mpanorina ny fikambanana, ny filoha nifandimby ary ireo mpiara-miasa amin’ny fikambanana.
Etsy andaniny, miantso ny rehetra ny Fizalaotra mba hifanome tanana ho amin’ny tombontsoa iombonan’ny faritra Alaotra.
Synèse R.