Varatraza antonony na matanjaka no handrafitra ny toetry ny andro ho an’ny afovoantany sy ny faritra atsinanan’ny Nosy. Harahina rivotra mafy izany anio sy rahampitso. Hihamalefaka miandalana izany manomboka ny alakamisy mankany amin’ny faran’ ny herinandro.
Misy ny fampitandremana noho ny haavon’ny alondrano sy ny hamafin’ny rivotra ho an’ny morontsiraka atsimo, atsinanana, ary avaratra andrefan’ny Nosy, mandritra ny fizarana voalohany amin’ny herinandro. Hahery be ny ranomasina any amin’ny morontsirak’i Atsimo Andrefana sy Androy ary ny morontsiraka atsinanan’ny Nosy noho ny alondrano avy atsimo na atsimo atsinanana. Tombanana hahatratra 4 hatramin’ny 4,5m indraindray ny onja, eo anelanelan’i Toliara sy Taolagnaro. Anio maraina, hiitatra ho an’ny morontsirak’i Vatovavy sy Atsinanana, hatrany amin’ny morontsirak’Analanjirofo, Ambatosoa ary Sava izany ny tolakandro. Nahazo fampitandremana miloko mena i Morombe hatrany Manakara ary fampitandremana miloko mavo i Manakara hatrany
amin’ny tanjona Bobaomby.
Hisy fidinana misongadina ny maripana ambony ho an’ny afovoantany sy ny morontsiraka atsinanan’ny Nosy mandritra ny fizarana voalohan’ny herinandro. Tombanana hiverina hiakatra kosa izany ny alakamisy ho avy izao. 6 – 23 °C ny maripana ny maraina ary eo anelanelan’ny 16 – 36 °C ny tolakandro.
Vonjy
French