Hotanterahina ny 22 febroary hatramin’ny 1 marsa ho avy izao, etsy amin’ny kianja mitafo Mahamasina, ny fifaninanana ara-panatanjahantena ho an’ny Oniversite, “Ma-hery Futsal”. Araka ny fanazavan’ ny mpikarakara Fief Mada tetsy Mahamasina, ny sabotsy lasa teo, mbola misokatra hatramin’ny 14 febroary ho avy io, ny fisoratana anarana amin’izany. Tsara mampahatsiahy fa ny taranja baolina kitra anaty efitrano “futsal” sy ny dihy an-tanàn-dehibe “Dance Urbain” ary ny filatroana amin’ ny hatsara bika sy tarehy “Miss et Mister” no hifanintsanana amin’ny hetsika “Ma-hery Futsal”. Tanjon’ny Fief Mada amin’ity fifaninanana ity ny hanabe an’ireo tanora, ka hoentitra ny fanaraha-maso amin’ireo Oniversite izay miniha mampiasa ireo mpikaraman’ady na ny “mercenaires” ary hahazo sazy mafy izay tratra mampilalao izany. Raha sendra misy ny mpilalao efa milalao amin’ny sehatra federaly, dia noferana ho telo ihany ny isan’izy ireo anaty ekipa iray ary roa ihany no mahazo miakatra eny an-kianja. Ankoatra izay, misy kosa ny “Show pro”, ho an’ireo olona ivelany oniversite tia hifanintsanana amin’ny dihy. Ampahafantarina fa miara-misalaha amin’ny Fief Mada amin’ity hetsika ity ny minisitera roa : misahana ny Tanora sy ny Fanatanjahantena (MJS), ary ny Serasera sy ny Kolontsaina (MCC).
F.R
French