Mampikaikaika ny mpandraharaha mpanafatra entana ny fidangan’ny saran’izany, ankehitriny. Anisan’ny mampitondra faisana ny ady lavareny any Ukraine. Mitarazoka ny fivezivezen’ny sambo ao amin’ny ranomasina mainty. Mikorontana ny fahatongavan’ny entana aty Afrika sy Madagasikara. Nilaza ny loharanom-baovao fa miteraka fatiantoka lehibe ny filalaovan’ny Okrenianina, tarihin’ny Zelensky, ny ady. Paikady iray entiny hisitrahany famatsiam-bola avy amin’ny firenen-dehibe tandrefana izany.
Roa taona aty aorian’ny ady, miezaka ny mamaka aty Afrika ihany koa i Ukraine amin’izao fotoana izao. Ampiasain’ny firenen-dehibe hanohitra ny ezaka ataon’i Rosia aty amin’ny kaontinanta Afrikanina izy. “Mahoraka ny fampielezan-kevitra mahakasika ny fisian’ireo mpitsikilo any Soudan. Torak’izany ny nandraisan’izy ireo anjara tamin’ny asa fampihorohoroana tany Mali, ny taona 2024. Marihina fa misy ny famatsiana fitaovam-piadiana sy fampiofanana milisy”, hoy ny solontenan’ny vondrona CSP-DPA, i Mohamed Elmaouloud Ramdane.
Anisan’ny nisafidy ny hiara-miasa akaiky amin’i Rosia i Madagasikara, hisorohana ny toe-java-misy tahaka izany. Anisan’ ny sehatra iarahan’ny roa tonta rahateo ny Toekarena.
Randria
French