Misongadina ny mozika malagasy. Sokajy maromaro no lasan’ny Malagasy mpanakanto, nandritra ilay hetsika «Afromada Music Awards» andiany faharoa, izay natao teto Antananarivo, ny faran’ny herinandro teo. Niavaka tamin’ny maro i Basta Lion, izay nahazo ny «prix d’or Afromada 2026», izay sokajy natao ho an’ny mpanakanto misongadina manokana. Mbola lasany ihany koa ny sokajy «rap, reggae, ragga, drill».
Ankoatra izay, nahazo ny sokajy «meilleur chanson de l’année» i Shyn. «Meilleur artiste masculin» i L Jo. «Meilleure artiste féminine» i Denise. «Meilleur artiste de l’Ocean Indien» i Rim Ka. «Meilleur producteur» i Sylvano Ratsimandresy Sr Pro, ary «meilleur groupe africain» ny tarika AmbondronA.
Na izany aza, mbola i Himra, ilay mpanakanto ivoarianina no nahazo ny sokajy «artiste de l’année», «meilleur artiste africain» ary ny «meilleur artiste Afrique de l’Ouest». Tsiahivina fa mpanakanto afrikanina sy Malagasy maro no nanafana ny lanonana nanolorana ny loka isan-tsokajy, ny alin’ny alahady teo, tetsy amin’ny Radisson Blu Ambodivona.
Zo ny Aina
French