Manjaka tanteraka amin’ ny fiadiana ny ho tompondakan’i Espaina na Liga F ny FC Barcelone (FCB), vehivavy. Araka ny hita tao anaty tambajotran-tserasera, omaly, fandresena hatrany no azon’ ny FC Barcelone, nandritra ny lalao 20. Miisa 89 ny baolina tafiditr’izy ireo hatramin’ izao, ary nidirana baolina 4. Eo amin’ny laharana voalohany ny vehivavy barcelone, manana isa 60. Tamin’ny lalao fito nataon’ny vehivavy FC Barcelone farany, tsy latsaky ny telo ny baolina tafiditr’izy ireo. Anisan’izany ny nandavoan’ izy ireo ny Real Betis, tamin’ ny isa 7 no ho 0, ny 5 febroary lasa teo sy ny nandreseny ny Villareal, tamin’ny isa 5 no ho 0. Ny ekipa vehivavin’ny Real Madrid, eo amin’ny laharana faharoa, manana isa 55. Mampihorohoro ny ekipa eoropeanina rehetra ny vehivavy Barça.
Marihina fa in-26 nahazo ny Liga F ny FCB ary indimy nibata ny fifaninanana “Ligue des Champions”, vehivavy.
Fitia (Mpianatra asa )
French