Hotanterahina anio ny lalao miverina amin’ny fiadiana ny “Coupe du Roi 2023” Espaniola, taranja baolina kitra. Hihaona amin’ny Barcelone FC ny Real Madrid. Fifanandrinana hotontosaina ao amin’ny kianjan’ny Camp Nou. Hanala vela ny Real Madrid, lavon’ny Barça, tamin’ny isa 1 no ho 0, nandritra ny lalao mandroso natao tany Santiago Bernabeu, ny 2 marsa 2023 lasa teo.
Tsiahivina fa tsy mbola nandresy ny ekipan’i Xavi, mpanazatra FCB, mihitsy ny an’i Ancelotti, teknisianina RMA, tamin’ity taona 2023 ity. Araka ny fahitana azy, manana tombony ny Barça satria hampiantrano ny lalao, saingy mbola tsy afaka milalao ireo kalazany amin’io fihaonana io. Anisan’izany ry De Jong, Dembélé, Pedri, Christensen. Ho an’ny RMA, manana tombony amin’ny fahaizan-dry Benzema mampiditra baolina sy i Vinicus manolotra izy ireo, raha toa ka mbola tsy afaka miakatra kianja, noho ny ratra mahazo azy, ry Rudiger sy Mendy. Marihina fa tsy maintsy mitady fandresena amin’io fifanandrinan’ny roa tonta io ny Real raha te hiakatra amin’ny lalao famaranana.
Fitia (Mpianatra asa)
French