Notanterahina teny amin’ ny American Corner Antananarivo ny fampianarana manao fikarohana avo lenta amin’ny tambajotra internet, nataon’i Marcy Carrel, talem-paritry ny fifandraisana amin’ny daholobe, ao amin’ny masoivoho amerikanina.
Nasehon’i Marcy Carrel an’ireo mpitantana ireo ny fomba fampiasana ny karazana antontanisa sy antontan-kevitra maimaim-poana, ao amin’ny eLibraryUSA. Ahitana asa fikarohana avo lenta efa vita fanadihadiana sy voamarin’ireo manam-pahaizana samihafa maneran-tany, gazety sy gazety boky eran-tany izany. Tanjona ny hanampy ireo rehetra maniry ny hahazo valinteny momba ny fikarohana ataony na te handalina bebe kokoa lohahevitra iray.
Maimaim-poana ny fampiasana ny eLibraryUSA ho an’ireo mpikambana amin’ireo American Corners.
Nanatrika izany ireo mpitantana tranomboky avy amin’ny oniversiten’Antananarivo sy ireo oniversite manodidina, ny avy amin’ny tranombokim-pirenena, niampy ireo avy amin’ny tranomboky samihafa.
Tatiana A
French