Ambohitrimanjaka : nisy ny fanaovana santa-bary

Nanatontosa ny Alaha­ma­dibe ihany koa ny teny Am­bo­hitrimanjaka. “Alahamadibe Ambonivohitra Ambohitri­man­jaka, Efa-dray Efa-dreny” no niantsoana azy. Ny Zana­drano mpitana fomba, niaraka tamin’ny fikambanana samihafa avy eny an-toerana no ni­karakara ny hetsika. Nam­pia­vaka ny teny Ambohitri­man­jaka ny fisian’ny santa-bary.
Nandritra ny Alahama­dibe, nisy ny fanaovana ny santa-bary sy ny famerenan-kasina natao teny amin’ny vohitr’Am­bohitrimanjaka. Manao fihinanambe amin’ny alalan’ny vokatry ny tany ny mponina, ho fisaorana an’Andriamanitra sy ny razana. “Efa fomba fanao izy io saingy maro ny ta­nora sy ny ankizy taty aorina no tsy mahafantatra izany fomban’ny razamben’ny tanàna izany. Natao izao ho famerenana hasina ny tanàna sy ho fampahafantarana izany fomba izany”, hoy ny tomponandraikitry ny Zanadrano mpitana fomba.
Ankoatra izay, nisy ny fandroana sy fidiovana. Teo ihany koa ny hiragasy sy ny nofonkena mitam-pihava­nana.

Lin (Mpianatra asa)