Tsy fahatomombanana amin’ny tambazotra no nahatonga ny fahatapahan’ny herinaratra, omaly, teto amin’ny faritra vitsivitsy eto an-drenivohitra. Anisan’izany ny tany Ambohidrapeto, Itaosy, Andranonahotra, Analamahitsy, Amboditsiry, Manjakaray, Anjanahary, sns. Tsy tokony hisy intsony ny delestazy.
Manodidina ny 3 tapitrisa ny isan’ny orinasa na olona mivelona ao anatin’ny tsy ara-dalàna eto Madagasikara. Manodidina ny 148 miliara Ar ny trosa tokony haloan’izy ireo, saingy tsy miditra any amin’ny kitapombolam-panjakana. Anisan’ny tena maro anisa amin’izany ny mpivarotra amoron-dalana.
Misanda 4 818 Ar ny 1 euro, omaly ary 4 447 Ar kosa ny 1 dolara, teo amin’ny tsenam-bola. Mihoatra ny 5 000 Ar kosa anefa ny sandan’ny 1 euro eny amin’ny fifanakalozam-bola ho an’ny mpanjifa tsotra ary latsaka kely an’izany ny 1 dolara.
Natao tany Ambatondrazaka ny atrikasa hampidirana ny karazana zava-mananaina amin’ny sehatry ny fambolena, ny tapaky ny volana jolay teo. Ny anjara toerany eo amin’ny famokarana toy ny fandaminana ny rohivoahary, ohatra. Nandray anjara tamin’izany ny avy any Ambatondrazaka, Amparafaravola, Andilamena, Anosibe An’ala. Teo ambany fiahian’ny minisiteran’ny Tontolo iainana ny fotoana.
French