Nirefodrefotra ny basy teny Alakamisy Fenoarivo, omaly hariva. Jiolahy roa maty voatifitry ny zandary, iray tratra, iray tafatsoaka. Nikasa hanao fanafihana tranombarotra ireto jiolahy ireto no nifanehatra tamin’ny zandary. Basy Kalachnikov iray tratra.
Nitohy teny amin’ny seranam-piaramanidina Ivato ny lonilony teo amin’ny ekipam-pirenen’i La Réunion sy Maurice momba ilay penalty nomen’ilay mpitsara Maorisianina ny Barea. Niditra an-tsehatra ny polisy.
Hita tao an-tanimbary eny Ambohikely Ambatobe natsikafon’ny rano ny fatim-behivavy iray. Tsy fantatra mazava ity namoy ny ainy ity. Nalain’ny BMH ny razana.
Mitohy ny fikarohana ireo olona latsaka tao anaty rano ao Manaradrano RN2, omaly. Nivarina niaraka tamin’ny fiara 4×4 ireto olona ireto. Mifanome tanana amin’ny fikarohana ny zandary sy fokonolona.
French