Zazavavy roa taona niharan’ny fanolanana nataon’ny lehilahy iray tao Anjiabe, kaominina Vanono, distrikan’i Mananara Avaratra, ny faran’ny herinandro teo. Mpiray tanàna taminy ihany ity nahavanon-doza. Namonjy toeran-kafa ny ray aman-drenin’ny zaza ka napetraka tamin’io lehilahy io noho ny fahatokisana azy ilay zaza.
Namoy ny ainy omaly, ilay lehilahy nitondra kodiaran-droa tra-doza teny By-pass, ny faran’ny volana aogositra teo. Nisongona tao anaty fiolanana izy. Nifanehatra tampoka tamin’ny kamiaobe anefa ny moto. Naratra mafy, nentina notsaboina teny anivon’ny hopitaly ny mpitondra moto saingy tsy tana ny ainy andro vitsy taty aoriana.
Omby 44 voatery naiditra am-balampamonjana tao amin’ny fokontany Anosiarivosakay, kaominina Ambatoasana, afakomaly. Tsy manara-dalàna avokoa ny taratasin’ireo omby ireo nandritra ny fisavana nataon’ny zandary tao an-toerana. Nahatratra 259 ireo omby nanaovana fitsirihana ka ireto 44 ireo no tsy manana taratasy mazava.
Mbola karohina ny fiara tsy mataho-dalana iray nandona fiara kely teo Tsaralalana, ny sabotsy teo. Naratra mafy ny iray tamin’ireo olona roa tao anatin’ny fiara voadona. Potika tanteraka ny fiara. Nitsoaka nandositra niaraka amin’ ilay 4×4 nentiny ny mpamily.
French