Mpianatra 25 mianadahy avy ao Mahajanga no voafantina handray anjara amin’ny fandaharam-pianarana “English Access Microscolarship”. Notanterahina tao amin’ ny Lycée Philibert Tsiranana ny fizarana mari-pankasitrahana mifanaraka amin’izany, ny faran’ny herinandro teo.
Maharitra roa taona ny fandaharam-pianarana izay tohanan’ny masoivoho Amerikanina ary tantanin’ny Saint Gabriel Mizara. Mampitombo ny fifankafantarana sy fifanakalozana kolontsaina eo amin’i Etazonia sy i Madagasikara ity fandaharam-pianarana ity. Manamafy ny fahaiza-manaon’ny mpandray anjara avy amin’ny firenena maro ihany koa amin’ny fahafehezana ny teny anglisy. Tombony lehibe ho an’ny mpandray anjara izany ary manokatra varavara amin’ireo programam-pianarana hafa any Etazonia.
Mbola ny programa Amerikanina ihany no namoahana an’ireo mpampianatra teny anglisy tamin’ny atrikasa “American English community of practice (Cop)”, ny faran’ny herinandro teo hatrany. Niompana tamin’ny fananganana sy fitantanana vondrona mpampianatra teny anglisy mavitrika ary maharitra eo anivon’ny faritra ny atrikasa.
Antsoina hoe Cop Leaders ireo mpanabe rehefa nahavita ny fiofanana.
Tatiana A
French