Araka ny tapaka tamin’ny fivoriambe, ny alatsinainy lasa teo, mitohy hatrany ny tolona fitakiana ataon’ny mpampianatra mpikaroka (Seces) sampana Antananarivo.
Ny fivoriambe ihany no mandray ny fanapahan-kevitra rehetra mikasika ny tolona fitakiana ny zo sy ny hasin’ny mpampianatra mpikaroka sy mpikaroka mpampianatra, araka ny sata mifehy ny Seces. Nohamafisin’ny fanambarana nataon’ny birao fa manameloka tanteraka ireo endri-pandrahonana sy fanambanana asam-pamoretana ary fampihorohoroana ara-tsaina atao amin’ireo mpitarika izy ireo. Tsy vahaolana izany, fa sady fanitsakitsahana ny zon’olombelona, arovan’ny lalàna iraisam-pirenena sy ny Lalàmpanorenana, no fanitsakitsahana ny zo sendikaly rahateo, hoy ny fanehoan-keviny.
Manoloana ny zava-misy nanomboka ny alatsinainy teo amin’ny raharaham-pirenena, manameloka tanteraka ny fampiasan’ny fitondrana herim-pamoretana amin’ireo
olom-pirenena manan-jo haneho hevitra ankalalahana ny mpikambana amin’ny Seces. Miantso ny mpitandro filaminana ho tandroka aron’ny vozon’ny firenena sy ny vahoaka tokoa, ka hampanaja sy hampihatra marina ny Lalàmpanorenana ireo mpampianatra mpikaroka.
Miandry ny vokatry ny filankevitry ny minisitra anio izay heverina fa mametraka ambony ny
tombontsoan’ny tanora malagasy ny Seces, ahafahana mandray ny fanapahan-kevitra hiverina hampianatra raha toa ka feno ireo fepetra hanatanterahana izany.
Vonjy A.
French