Tovolahy 14 taona maty vokatry ny fipoahan’ ny basy nolalaoviny tao Andasibe Moramanga, ny alakamisy tolakandro teo. Nisavasava tao an-trano ka nahita basy poleta izy mirahalahy. Niara-nilalao izany ireto farany kinanjo voatifitra tampoka ny kibon’ny iray. Nitarika tamin’ny famoizana aina izany.
Vehivavy iray naratra mafy voadaroka teny Tanjombato, ny harivan’ny sabotsy 7 oktobra teo. Nodarohana olona maromaro izy noho ny adihevitra politika tsy nitovy. Niafara tamin’ny fifamaliana ka tonga tamin’ny fidarohana ity vehivavy ity.
Lasan’ny jiolahy ny vola nitentina 20 tapitrisa Ar tao Atsimontsena, Betafo, ny faran’ny herinandro teo. Mpamongady hamonjy fodiana io lasibatra io. Tratra ny tsindron’antsy teo amin’ny tendany io lehilahy io ka notapahan’ny jiolahy ny ratsantanany. Voaroba ny vola.
Mpitondra Cyclo-posy sy lehilahy iray naratra mafy voafaokan’ny fiara tsy mataho-dalana tao Betaritarika, Toliara, afakomaly alina. Nandeha mafy io fiara io kinanjo nifatratra tamin’ny trano amoron-dalana. Ankoatra ireo, olona roa voadona teny amin’ny arabe, efatra naratra. Ireto farany izay tao anatin’ilay trano.
French