Notontosaina nanomboka ny faran’ny herinandro lasa teo ny andro voalohan’ny fiadiana ny ho tompondakan’i Madagasikara « Pureplay Football League », taranja baolina kitra. Lavon’ny Elgeco Plus tamin’ny isa 1 no ho 0 ny Disciples FC Vakinankaratra. Tsara marihina fa miray vondrona ao amin’ny Kaoferansy avaratra ireto klioba roa ireto.
Hotontosaina manomboka rahampitso ny fiadiana ny ho tompondakan’i Eoropa, taranja baolina kitra “Ligue des Champions 2024”. Anisan’ireo lalao tena andrasan’ny maro ny fihaonana eo amin’ny Real Madrid Espagne sy ny RB Leipzig Allemagne. Marihina fa ny Leipzig no hampiantrano ity lalao mandroso ity.
Notanterahina ny sabotsy lasa teo ny fiadiana ny medaly alimo amin’ny fifaninanana Can “Côte d’Ivoire 2023”. Norombahin’i Afrika Atsimo izany, rehefa lavon’izy ireo tamin’ny fandakana « tirs au but », 6 no ho 5 ny Repoblika Demokratika Congo. Tsara ny mampahafantatra fa ady sahala 0 no ho 0 no nisarahana nandritra ny fe-potoana ara-dalàna.
French