“Mbola mampirisika ihany aho fa izay olona tena manan-kevitra no aoka hofidina. Ny olona manan-kevitra no hampisondrotra sy hampivoatra an’i Madagasikara”, hoy ny sekretera jeneralin’ny antoko Vahoaka miray (Vami), i Gaby Vakiniadiana, ny amin’ny fahavitsian’ny kandidà ho depiote amin’izao. Nohasarotina ny fametrahana ny antontan-taratasy firotsahan-kofidina, natao nidangana be koa ny rotsa-bola : 20 tapitrisa Ar. Nefa tsotra ny zava-misy eto Madagasikara: ny manam-bola, tsy manan-kevitra; ny manan-kevitra, tsy manam-bola. Entina amin’ny vola izany ny firenena? Raha vao tsy manam-bola, tsy misy mahita sy tsy misy mihaino. Nefa manampy ny rotsa-bola amin’ny firotsahan-kofidina ny vola enti-manana amin’ny fampielezan-kevitra. Ny ao anatin’ny fitondrana no tsy maintsy manam-bola amin’izay. Tsy mahagaga raha vitsy ny olona vonona hirotsa-kofidina, fa matahotra ho very vola koa ny olona. Tsy maintsy hisy ny hanaparitaka volabe. Ao anatin’ny fahantrana isika, ka vidina amin’ny tsy inona ny vahoaka. Izay no olana.
R. Nd.
French