Nitohy any Ranobe, kaominina Ankilimalinike sy Tsiafanoka, kaominina Tsianisiha, samy distrika Toliara II, ny fampahalalana ny mponina ny zony sy ny tombontsoa tokony ho azony mahakasika ny tetikasa Taratra. Voakasik’izany ny lafiny harena an-kibon’ny tany sy ny fananan-tany. Loabary an-dasy novolavolain’ny kaonferansin’ny eveka, iarahany amin’ny fitantanana ny harena an-kibon’ny tany, ary ny fikambanana Justice et Paix. Samy milaza ny heviny, mahakasika izany ny mponina any an-toerana. Nilaza niheviny i Retety Pascal, fa «namantarako ny zoko mahakasika ny fananan-tany ny fanentanana natao. Fantako izao fa tsy maintsy manaraka ny dingana ara-dalàna ny tany vita baorina, raha te hisitraka ny vola fanonerana ny tany. Mahasoa anay ny fisian’ny tetikasa momba ny harena an-kibon’ny tany aty aminay. Satria hanome asa na dia tsy ho an’ny rehetra aza».
Manentana ny rehetra i Tsiatosiky Zataony, hanaraka ny dingana hametrahana baorina ny taniny. Ho an’i Remanta, «nahasoa anay ny nisian’ny tetikasa Taratra. Mila toeram-pitsaboana sy fiangonana vaovao izahay».
Toraka izany koa ny tany Tsiafanoka. Nilaza i Bruno Jean Martial, fa nanazava ny sainay ny tetikasa Taratra, indrindra amin’izao fanamparam-pahefana isan-karazany izao. Fantatray, ankehitriny, ny ataonay raha misy ny tsy manara-dalàna.
Njaka Andriantefiarinesy
French