Tratran’ny andrimasom-pokonolona ny mpamaky trano iray tao amin’ny fokontany Soavinandriana, kaominina Sambava, omaly maraina. Niezaka nanda sy nandositra ny fokonolona nisambotra azy i Lekarany saingy tsy naharesy tosika ary noraisim-potsiny teny aminy ny entana nangalariny.
Ramatoa nanatitra sakafo ho an’ny vadiny voafonja nosamborin’ny polisy tao Mahajanga, afakomaly. Nosisihan’io vehivavy io rongony tao anatin’ny sakafo ho ateriny. Tsikaritry ny mpiandry fonja io zava-mahadomelina io ka noraisim-potsiny ilay ramatoa.
Dahalo iray voasambotry ny zandary nanao fisafoana tao Ankazomanefa, fokontany Ambohipeno, kaominina Ankazomiriotra, ny zoma 21 jona teo. Nahatrarana basy teny amin’io olon-dratsy io ary nitsoaka ny mpitandro filaminana ka izao tratra izao.
Tsena iray novakin’ny olon-dratsy ka voaroba ny vola sy ny zava-pisotro tao Bois Sacré, Mahajanga, ny faran’ny herinandro teo. Nosimbain’ny mpandroba ny hidim-baravarana ka tafiditra tao anatin’io toerana io izy ireo.
French