Tselatra

Mpitondra moto iray nositomina tao amban’ny taxi-be teny Anosizato, omaly maraina. Nikasa hijanona io mpitondra moto io kinanjo tafasitrika tampoka tao ambany fiara. Tsy nisy aina nafoy. Potika ny moto nentin’io tra-doza io.
Manaraka fitsaboana ireo zandary telo voatifitra, nandritra ny fifandonana tamin’ny dahalo tao amin’ny kaominina Ankisatsy, distrika Maintirano, omaly maraina. Dahalo 40 mahery nirongo fitaovam-piadiana nangalatra omby tao amin’io tanàna io. Nanara-dia ny mpitandro filaminana sy ny fokonolona. Naratra ny olon-tsotra roa niampy zandary telo. Latsaka teny amin’ireo olon-dratsy ny omby 80 mahery.
Voasambotry ny polisy ny lehilahy 47 taona mpivarotra rongony ao Androva Mangarivotra, Mahajanga, afakomaly. Nahatrarana fonosana rongony 52 isa teny amin’io lehilahy io. Natolotra ny fitsarana izy ka notanana am-ponja.