Hisolo tena an’i Madagasikara, any Johannesburg, mandritra ny fampiofanana basikety ho an’ny tanora mendrika eto Afrika (Basketball Without Broders), Razanakarivelo Christelle sy Andrianjatovo Loic. Fampiofanana hatao ny 3 hatramin’ny 6 aogositra izao ka ny alarobia lasa teo izy ireo no niala teto an-tanindrazana.
Niditra tamin’ny andro fahefatra, omaly, ny fiadiana ny amboaran’i Madagasikara, taranja Volley ball, ho an’ny sokajy latsaky ny 18 taona lehilahy sy vehivavy, izay hatao any Toamasina. Misongadina hatreto ny Stef’Auto sy ny ECVB 1 ho an’ny vehivavy ary ny ASSM sy ny Mami ho an’ny lehilahy.
Nanomboka ny 1 aogositra ary hitohy anio, etsy amin’ny kianja mitafon’i Mahamasina, ny fiadiana
ny tompondakan’i Madagasikara, taranja Kick boxing, sokajy Seniors. Niatrika fiofanana ireo mpitsara mba ho fanatsarana sy fampiakarana ny lentan’ny fifaninanana. Eo ihany koa ny fampitoviana ny fomba fijery sy tsy hisian’ny fitongilanana.
French