Nidina ifotony nijery ireo fotodrafitrasa sy fampiofanana atolotra ao amin’ireo ivontoeram-panofanana mandrafitra ny fitaleavam-paritry ny Fampianarana teknika sy ny fanofanana arakasa Vakinankaratra ny minisitra Rasoloarisoa Marie Marcelline, tamin’ity herinandro ity. Natomboka tao amin’ny biraon’ny fitaleavam-paritra ny fitsidihana. Avy eo nitohy tao amin’ny Lycée téchnique et professionnel Antsirabe, Lycée téchnique et professionnel Vinaninkarena, nandalo ny Complexe de formation professionnelle Mohammed VI, ny Centre agricole de référence Andranomafana Betafo ary tao amin’ny Centre de formation professionnelle Antsoatany. Taorian’ny fitsidihana, hita fa efa tranainy avokoa ireo fotodrafitrasa sy fitaovana enti-mampiofana. Nanome toromarika ny minisitra mpiahy ahafahana manarina haingana sy manatsara ny sehatry ny fampianarana sy ny fanofanana. Hamafisina ny fiaraha-miasa eo amin’ny ivontoeram-panofanana amin’ireo orinasa tsy miankina eny ifotony. Miainga amin’ny filan’ny tsenan’ny asa hatrany ny tolotra fanofanana homena ny tanora, araka ny toromariky ny filohan’ny Repoblika.
Aorian’ny fitsidihana, hisy fakan-kevitra eo anivon’ny faritra iarahana amin’ireo mpiara-miombon’antoka sy orinasa tsy miankina hahafahana mametraka ireo sehatrasa azo trandrahina ho an’ny tanora ao ann-toerana. Hoezahina hatsaraina avokoa ny fotodrafitrasa hifanaraka amin’ny zava-misy eny amin’ny orinasa.
Vonjy
French