Hotanterahina etsy amin’ny kianja Makis Andohatapenaka, ny alahady 10 desambra ho avy izao, ny lalao manasa-dalana, fiadiana ny amboaran’i Madagasikara 2023, taranja Rugby. Anisan’ireo lalao tena andrasan’ny maro ny fihaonana eo amin’ny FTM Manjakaray sy ny Cosfa Miaramila. Mbola manalavela amin’ny Dakar ny Bebaoty miaramila amin’ity fifanandrinan’ny roa tonta ity. […]
Raha tsy misy ny fiovana, hotanterahina amin’ny volana janoary ireo lalao roa ireo. Tafiditra ao anatin’ny fanomanan-tenan’ny ekipam-pirenena Malagasy, dia mety hisy lalao ara-pirahalahiana hifandonan’ny Barea amin’i Maroc sy i Mozambique. Nanambara izany i Rakotondrabe Romuald Felix (Rôrô), mpanazatra ny Barea, tao amin’ny tambajotran-tseraserany, afakomaly. Raha tsy misy ny fiovana, […]
Misokatra ny fandraisana fisoratana anarana ho an’ny Ecole doctorale en sciences et techniques de l’ingénierie et de l’innovation (D1) EDSTII, eny anivon’ny onivesiten’Antananarivo. Natokana ho an’ny olona manana ny mari-pahaizana Master na DEA avy amin’ny sekoly ambony Vontovorona, IST, IES ho an’ny taom-pianarana 2023-2024 izany. Lalam-piofanana sivy no afaka isoratana […]
Misy mpiray ombon’antoka azo ambara ho matihanina no tsy maharaka ny fivoaran’ny fiheverana ny fahasembanana, ka miteraka olana amin’ny fifehezana ny fampiatiana. Io ny nambaran’ny filohan’ny tambajotra malagasy ho an’ny fahasembanana, Rakotondrazafy Falihery. Entanina ny mpiasan’ny fahasalamana hanao tomban’ezaka ny asa vita rehetra nandritra ny taona amin’ny sampana misy azy […]
Tsy hisy tranga mahery vaika ahina hiseho mandritra ity herinandro ity, araka ny fampahafantarana avy amin’ny Foibe famantarana ny toetry ny andro. Amin’ny ankapobeny, tso-drivotra malefaka miovaova izay tsy marin-toerana any amin’ny ilany andrefana sy avaratra andrefana no hamaritra ny toetry ny andro hatramin’ny zoma ho avy izao. Tsy ho […]
French