“Izahay no anisan’ny antoko politika voalohany niantso ny filohan’ny Repoblika, Rajoelina Andry, hiverina hirotsa-kofidina indray amin’ny fe-potoam-piasana faharoa”, hoy ny minisitra Rakotondrazafy Lalatiana Andriatongarivo amin’ny maha filoha nasionalin’ny antoko Freedom azy. Tsy mbola namaly ny amin’izany ny filohan’ny Repoblika. Na izany aza, mijanona amin’izay faharesen-dahatra izay ny antoko: hanohana azy raha mbola mirotsa-kofidina izy. Manamafy izay antso izay ny antoko.
Nilaza hatrany ny Freedom hoe mila havaozina ny fanaovana politika eto Madagasikara, havaozina ny mpisehatra politika. Izay no voiziny mba hialana amin’ny hoe lasa tsy faharesen-dahatra no mahatonga ny mpanao politika hanohana olona iray, fa lafiny materialy, vola… Misy aza ny fividianana olona amin’izany. Aminy, faharesen-dahatra no tokony hitondra ny safidin’ny tena hanohana olona. Hevitra no ampiadiana: raha tsy mety amin’ny tena, ohatra, ny kandidà iray, inona ny tombony amin’ny kandidà hafa? Izay no tokony ho lalaovina amin’ny sehatra politika, fa tsy hoe vidina ny fanohanana olona iray.
R. Nd.
French