Nanamafy ny firenena britanika fa manohana an’i Madagasikara amin’ny fanovana tanteraka. Tsapan’izy ireo fa firenena manana ireo harena rehetra i Madagasikara, nefa robain’ireo olom-bitsy. Izay no anisan’ny nisongadina tamin’ ny fihaonan’ny minisitry ny Fitsarana, i Ernaivo Fanirisoa, tamin’ny ambasadaoro britanika, i Paul Brummell, monina sy miasa atsy Maorisy, tatsy Port Louis, Maorisy, ny faran’ ny herinadro teo. Nodinihin’ny roa tonta tamin’izany ny fiaraha-miasa ho amin’ny tombontsoan’ny vahoaka malagasy. Tohanon-dry zareo feno ny politika apetraky ny minisitry ny Fitsarana malagasy. Eo ny hahazoana mampiditra eo anivon’ny “Satan’i Rome” amin’ ny Fitsarana ady heloka iraisam-pirenena ny fanagiazana fanjakana (sapture d’Etat) ? Eo indrindra koa ny adin’i Madagasikara amin’ireo tsimatimanota sy ny ady amin’ny kolikoly. Zava-dehibe ao amin’ izany ny fanohanana eo amin’ ny fampiofanana momba fikarohana sy amin’ny teknolojia ary ny seha-pitsarana. Araka izany, nanamafy ny fanohanan-dry zareo tanteraka ny fitondram-panjakana sy ny fitsarana malagasy ny firenena britanika. Eo ny fahavononana hanohy ny fiaraha-miasa, indrindra eo amin’ny sehatry ny fampiofanana sy ny fikarohana ary ny fanohanana ara-teknolojia eo anivon’ny rafi-pitsarana.
Tetsy andaniny, naneho fankasitrahana feno ny firenena ny minisitra ny Fitsarana noho izay fanohanana mavitrika ny fitsarana malagasy izay. Nohamafisiny fa hatramin’ny nijoroan’ny fitondrana malagasy amin’izao, efa teo anilan’ny fitsarana malagasy hatrany ny firenena britanika ary mbola manohy izany fanohanana izany. Ny dian’ny delegasionina malagasy tany an-toerana no tanteraka, teo ny fanohanan-dry zareo.
R. Nd.
French