Namoaka fanambarana, tamin’ny alalan’ny tambajotran-tserasera, ny eo anivon’ ny antoko MFM, amin’ny alalan’ny mpitarika, Rakotovazaha Olivier, omaly. “Tsy ho avy hanatrika ny fihaonambe karakarain’ny Ceni izahay. Tsy mba anisan’ny noraisin’izy ireo ny tolo-kevitray ka tsy ho tonga hanamasina ny tsy fahombiazany ny MFM”, hoy izy. Nohitsin’ izy ireo fa tokony haverina ny fanavaozana tanteraka ny lisi-pifiaiana. Tsy azo itokisana io nataon’ny Ceni io, araka ny nambaran’izy ireo hatrany.
Tsiahivina fa efa natsidiky ny Ceni, ny herinandro teo teny Ambohimanarina, ny hanatanterahana ny fihaonambe eo amin’ireo mpisehatra ny fifidianana, ny 24 marsa izao. Nialohavan’ny fitsirihana ny rindrambaiko ho an’ny kajy mirindra “Logiciel” eo anivon’ny Ceni, notanterahina omaly, teny Alarobia izany. Niarahana amin’ ny eo anivon’ny Frankofonia (OIF), hitohy hatramin’ny rahampitso. Hitohy amin’ny fihaonambe hotarihin’ny Ceni izany avy eo, hiresahana ny fanomanana sy ny fikarakarana ny fifidianana.
Tsy ho anisan’ny handray anjara amin’izany ny eo anivon’ny MFM.
Synèse R.
French