Nampahafantarina afakomaly, tao amin’ny Lapan’ny Tanàna Analakely, ny tetikasa lalankely andiany fahatelo. Tantanan’ny orinasa GRET sy vatsian’ny AFD (Agence Française de Développement) vola. Hisitraka izany ny fokontany 75 eto amin’ny kaominina Antananarivo Renivohitra. Havaozina sy hamboarina avokoa ny lalankely any anelakela-trano rehetra, ny arabe, tatatra, paompy, fanasan-damba, trano fidiovana, trano famakiam-boky, zaridaina ary kianja filalaovam-baolina. Tanjona ny hanatsarana ny fari-piainan’ny mponina eny anivon’ny fokontany raha ny nambaran’ny tomponandraikitra.
Hampiofanina ireo mpanadio sy ny mpitantana ny fotodrafitr’asa alohan’ny hanombohana ny tetikasa. Mba hampaharitra ny tetikasa raha ny fanazavana voaray.Omena fitaovana ny RF2 sy ny SMA (Société Municipale d’Assainissement) hoenti-miasa. Omena sarety 37, borety 276, fitaovana madinika (râteau, fourche, pelle, sobika, kifafa) 276 isa, blouse 538, baoty 269, sabots 269, aro vava orona 269, gants 269, imperméable 269, casquette 309, T-Shirt 750 ary fitaovana ao amin’ny birao izy ireo. Ankoatra izay, hahazo fitaovana informatika ny trano famakiam-boky .
Manentana ny mponina hatrany ny kaominina mba hifanome tanana amin’ny fanajana sahady ny fotodrafitrasa. Mba hikojana ny fotodrafitrasa sy hanomezana tambin-karama ny RF2 amin’ny asa fanadiovana ataon’izy ireo. Miara-miasa amin’ny ministeran’ny Fanajariana ny tany sy ny fananantany ny tetikasa.
Mino (mpianatra asa)
French