Nankasitrahin’ny minisiteran’ny Fampianarana ambony sy ny fikarohana siantifika ireo tanora 3 mianadahy nitondra avo ny voninahitr’i Madagasikara tamin’ny fifaninanana, nandritra ny fivoriambe andiany faha-67, ny “Agence internationale de l’énergie atomique” tany Vienne Autruche.
Anisan’izany Andriamparany Koloina Valisoa , Ialinomenjanahary Radonasolo Rodier , Rakotondrasoa Mahenintsoa Stelly , samy taona faha-4 ao amin’ny “Institut national des sciences et techniques nucléaires (INSTN).
Tafiditra amin’ny laharana 8 voalohany, araka izany, i Madagasikara amin’ireo firenena 70 nandray anjara tamin’ny fifaninana iraisam-pirenena momba ny fampiasana ny vokatra nokleary ho fampandrosoana .
Dokambarotra fampahafantarana ny haitao nokleary hitondra fampandrosoana ny firenena no nifaninanana, ary natao tamin’ny teny anglisy. Tafiditra tao anatin’ireo 08 tsara indrindra tamin’ireo solontenan’ny firenena Afrikana 70 nandray anjara ny solotena malagasy .
Nandresy lahatra izy ireo fa ny fampiharana ny teknika nokleary dia anisany mamaha ny olana tsosialy sy toe-karena eto Madagasikara .
Noporofoiny tamin’ny famelabelarana nataony ny maha loharanon’angovo ny nokleary, ahafahana mitsabo, azo ampiasana ho fanatsarana ny fambolena, fikajiana ny tontolo iainana…
Tatiana A
French