Nanao ny ezaka rehetra ny minisiteran’ny Asa vaventy, mamerina amin’ny laoniny ny fifamoivoizana amin’ny lalam-pirenena fahafito (RN7). Nandray andraikitra avy hatrany ny minisitry ny Asa vaventy, ny kolonely Andrianatrehina Ndriamihaja Livah, nidina any Fianarantsoa raha vao nandre ny fahatapahana.
Efa misokatra ho an’ny fiara rehetra ny lalana eo amin’ny PK 416+300, mandalo ny fokontany Mahazengy, nanomboka omaly tolakandro.
Vokatry ny oram-be nikija noho ny fandalovan’ny rivodoza Alvaro no nitarika ny olana. Nanainga ny alin’ny talata 2 janoary teo, ny fiarabe mitatitra ny « pont modulaire » ho any Fianarantsoa hanamboarana ny lalana tapaka ho an’ny fiara rehetra teo amin’ny lalam-pirenena fahafito RN7 nanomboka ny talata hariva teo. Nanomboka avy hatrany ny asa fanarenana sy famerenana amin’ny laoniny ny fifamoivoizana any an-toerana rehefa tonga any ireo fitaovana ireo.
Miasa andro aman’alina ny ekipan’ny minisiteran’ny Asa vaventy, indrindra rehefa fotoam-pahavaratra toy izao. Tsy miandry ela ny fanaovana ny asa vonjimaika ho fanarenana ireo fotodrafitrasan’ny lalana simba, hamerenana ny fifamoivoizana anatin’ny fotoana fohy. Manentana ireo mpampiasa lalana hanaraka ireo toromarika omen’ny tomponandraikitra any an-toerana ny minisitera.
Vonjy
French