Nanambara ny avy amin’ny Emmonat fa voararan’ny lalàna ny fanaparitahana vaovao tsy marina amin’ny tambajotran-tserasera. Misy ireo mitarika hanafika ireo toerana saro-pady sy ireo izay mitahiry ny fiandrianam-pirenena. Misy endrika fanakorontanana sy fihantsiana mihitsy aza izany. “Tsy maintsy misy ny fepetra manokana amin’ireo minia manohintohina ireny toerana saro-pady ireny”, hoy […]

Mpanao gazety iray nanatontosa ny asany no nofelahin’ny zandary nandritra ny hetsika nataon’ireo mpitolona teny Ambohijatovo, omaly tolakandro. Raikitra fifamaliana ny asa teny an-kianja izay samy sahanin’ny roa tonta. Melo­hina ny fikasihan-tanana atao amin’ny mpanao gazety. Jiolahy mpamaky trano sady mpamerin-keloka nosamborin’ny mpitandro filaminana tao Ampaisokely, Miarinarivo, afakomaly vao mangiran-dratsy. […]

Niakatra fampanoavana omaly ny ray aman-drenin’ilay zazamenavava nisy nanary teny amin’ny fokontany Antsakajohy, kaominina ambanivohitra Bemanevika, Sambava, ny 14 septambra lasa teo. Tsiahivina fa olona handeha maraina no naheno feon-jaza mitomany ka nijery izany. Zaza vao teraka sy mbola niaraka tamin’ny tadim-poitra io nisy nanary io. Natao ny fikarohana ireo […]

Nivadika teny amin’ny lalam-pirenena voalohany ny taksiborosy iray, teo anelanelan’i Miari­narivo sy Amboalefoka, omaly tamin’ny 11 ora sy sasany. Nentina namonjy hopitaly ao Miarinarivo avy hatrany ireo naratra. Tsy nisy ny namoy ny ainy, araka ny angom-baovao. Kodiarana vaky no nitarika ny loza. Sigara hosoka miisa 57 000 fonosona sarona tao […]

Raim-pianakaviana nitondra moto namoy ny ainy vokatry ny lozam-pifamovoizana nahazo azy ny sabotsy 20 septambra 2025 atoandro lasa teo. Avy aty Antananarivo hihazo an’Ampefy izy no niharan-doza. Nidona tamin’ny rindrina teo amin’ny sisin-dàlana hiditra ny fiholanana teo Faratazana Ambodivona, fokontany Ampaisokely, kaominina Miarinarivo, izy. Nahenoana fofona alikaola ity lehilahy ity […]